Səudiyyə Ərəbistanı hələ də BRİKS-ə qoşulmaq üçün dəvəti nəzərdən keçirir...
Poliqon xəbər verir ki, bu barədə Reuters Agentliyi mənbələrə istinadən məlumat yayıb.
Agentliyin mənbələrindən biri qeyd edib ki, bloka qoşulmaq böyük üstünlüklər verir, çünki Çin və Hindistan krallığın ən böyük ticarət tərəfdaşlarıdır.
“Səudiyyə Ərəbistanı faydaları qiymətləndirir və öz qərarını daha sonra verəcək, hazırda isə proses gedir”, deyə mənbə bildirib. Mənbə Krallığın nə zaman qərar verəcəyini açıqlamayıb.
Reuters-in məlumatına görə, Ər-Riyad ABŞ, Çin və Rusiya arasında artan geosiyasi gərginlik, habelə krallığın artıq Vaşinqtonda narahatlıq doğuran “Pekinlə əlaqələrinin əriməsi” fonunda öz variantlarını ölçüb-biçir. Agentlik iddia edir ki, ABŞ ilə güclü əlaqələrə baxmayaraq, Səudiyyə Ərəbistanıın Vaşinqtonun Körfəz təhlükəsizliyi ilə keçmişdə olduğundan daha az maraqlanması səbəindən narahatlıqları var.
Qeyd edək ki, 2023-cü ilin avqustunda keçirilən 15-ci sammitdə BRİKS ölkələrinin başçıları 2024-cü il yanvarın 1-də təşkilata qoşulacaq dövlətlərin siyahısını razılaşdırıblar. Siyahıya Argentina, Misir, Efiopiya, İran, Səudiyyə Ərəbistanı və BƏƏ daxildir. Yanvarın 2-də ərəb dövlət televiziyası Əl-İxbariyyə Səudiyyə Ərəbistanının BRİKS-ə qoşulduğunu bildirsə də, yanvarın 16-da krallığın səlahiyyətliləri bunu təkzib edib. Argentina isə artıq bu iqtisadi bloka qoşulmaqdan imtina edib.
Poliqon.info
Digərxəbərlər
Populyar xəbərlər
