ABŞ Dövlət Departamenti bildirib ki, İran İslam İnqilabı Keşikçiləri Korpusunun (SEPAH) İraqın şimalındakı muxtar bölgəsi olan İraq Kürdüstanının inzibati mərkəzi Ərbilə bugünkü hücumunu pisləyir...
Poliqon xarici KİV-lərə istinadən bildirir ki,, raket zərbələri nəticəsində 4 nəfər həlak olub.
“Birləşmiş Ştatlar həlak olanların ailələrinə başsağlığı verir. Biz İranın İraqda sabitliyi pozan ehtiyatsız raket hücumlarına qarşıyıq”, Dövlət Departamentinin bəyanatında deyilir.
Qeyd edək ki, yanvarın 16-na keçən gecə SEPAH “son terror cinayətlərinə cavab olaraq” ABŞ-ın Ərbildəki konsulluğu yaxınlığındakı hədəflərə zərbələr endirib. İki ABŞ rəsmisi agentliyə ABŞ obyektlərinə ziyan dəymədiyini bildirib.
ABC telekanalının məlumatına görə, ABŞ hərbçiləri arasında itki yoxdur. Reuters mənbələrə istinadən xəbər verir ki, hücumda kürd iş adamı Peşrav Dzeyi və onun bir neçə ailə üzvü, həmçinin “yüksək rütbəli kürd kəşfiyyat rəsmisi” həlak olub.
Poliqon.info
Digərxəbərlər
Populyar xəbərlər
