İraqda Türkiyə ordusunun səkkiz əsgəri şəhid olub, yaralananlar var - Yenilənib

Yanvarın 12-də İraqın şimalında “Pence-Kilit” əməliyyatı bölgəsində Türkiyə ordusunun mövqelərinə terrorçuların hücumu zamanı şəhid olan hərbçilərin sayı səkkiz nəfərə çatıb.

Bu barədə Türkiyənin Milli Müdafiə Nazirliyi “X” sosial şəbəkəsindəki hesabında məlumat yayıb.

Nazirlik qeyd edib ki, həkimlərin səyinə baxmayaraq, daha iki ağır yaralı hərbçi dünyasını dəyişib.

Bölgədə əməliyyatlar davam edir.

Nazirlik həyatını itirən şəhidlərə Allahdan rəhmət diləyib, ailələrinə başsağlığı verib.

***

Yanvarın 12-də İraqın şimalında “Pence-Kilit” əməliyyatı bölgəsində Türkiyə ordusunun mövqelərinə terrorçuların hücumu zamanı şəhid olan hərbçilərin sayı altı nəfərə çatıb.

Bu barədə Türkiyənin Milli Müdafiə Nazirliyi məlumat yayıb.

Nazirlik qeyd edib ki, həkimlərin səyinə baxmayaraq, yaralı hərbçi dünyasını dəyişib.

Bölgədə əməliyyatlar davam edir.
Nazirlik həyatını itirən şəhidə Allahdan rəhmət diləyib, ailəsinə başsağlığı verib.

Qeyd edək ki, terrorçuların hücumu zamanı beş əsgər şəhid olub, üçü ağır olmaqla səkkiz hərbi qulluqçu yaralanıb. Yaralılar xəstəxanaya göndərilib. Türkiyə hərbçiləri 12 terrorçunu zərərsizləşdirib.

***

İraqın şimalında, “Pençe-Kilit” əməliyyatı bölgəsində beş türk əsgəri şəhid olub, üçü ağır olmaqla səkkiz hərbçi yaralanıb.

Bu barədə ölkənin Milli Müdafiə Nazirliyi məlumat yayıb.

İlkin məlumata görə, cavab tədbirləri nəticəsində 12 terrorçu zərərsizləşdirilib.

Bölgədə əməliyyatların davam etdiyi bildirilib.

Poliqon.info