Hacıqabulda yol qəzasında ölən və yaralananların şəxsiyyəti məlum olub - Yenilənib

Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Hacıqabul rayonunda (Bakı-Qazax avtomobil yolunun 113-cü kilometrliyi) yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.

Poliqon xəbər verir ki, məlumatla əlaqədar FHN-nin Dövlət Yanğından Mühafizə Xidmətinin müvafiq xilasetmə qüvvələri çağırış üzrə cəlb olunub.

Əməliyyat şəraiti qiymətləndirilərkən müəyyən olunub ki, “Toyota” markalı minik avtomobili və “ГАЗель” markalı yük avtomobili toqquşub, 1 nəfər avtomobildə sıxılmış vəziyyətdə qalıb.

Həyata keçirilən xilasetmə tədbirləri nəticəsində 1 nəfərin meyiti nəqliyyat vasitəsindən çıxarılaraq aidiyyəti üzrə təhvil verilib.

***

Hacıqabulda yol qəzasında ölənin şəxsiyyəti müəyyənləşib.

“Report”un Aran bürosunun məlumatına görə, qəza nəticəsində Vüqar Əsgərov dünyasını dəyişib.

Faktla bağlı araşdırma aparılır.

***

APA-nın məlumatına görə, hadisə Hacıqabul rayonunun Muğan kəndində qeydə alınıb.

“Toyota Prado” markalı avtomobillə “QAZel” markalı yük maşını toqquşub. Nəticədə bir nəfər hadisə yerində ölüb. Xəsarət alan iki nəfər Şirvan xəstəxanasına yerləşdirilib.

Hadisə yerinə cəlb edilən FHN əməkdaşları avtomobildə sıxılmış halda qalan meyiti çıxararaq aidiyyəti üzrə təhvil veriblər.

Faktla bağlı araşdırma aparılır.

Poliqon.info