ABŞ Polşanı Avropa İttifaqının gələcək lideri kimi görür. Çünki Varşava müdafiəyə digərlərindən daha çox pul xərcləyir...
Poliqon "Rzeczpospolita" qəzetinə istinadən xəbər verir ki, bunu ABŞ dövlət katibinin Avropa məsələləri üzrə müavini Ceyms O'Brayen deyib.
O'Brayenin sözlərinə görə, ABŞ və Polşa təhlükəsizlik sahəsində həmişə çox sıx əməkdaşlıq ediblər. O, NATO-nun şərq cinahını gücləndirmək qərarına gəldiyini də xatırladıb.
Dövlət katibinin Avropa məsələləri üzrə müavini xatırladıb ki, ABŞ-ın NATO müttəfiqlərinin çoxu ÜDM-in 2%-ni müdafiə sənayesinə, Polşa isə bundan daha çox xərcləyir.
"Çox faydalı regional müdafiə planları hazırlanıb və onlar hər ay daha yaxşı içşlər həyata keçirir", deyə O'Brayen bildirib.
Qeyd edək ki, bundan əvvəl Polşanın xarici işlər naziri Şimon Şinkovski vel Sienk Varşavnın NATO öhdəliklərini nümunəvi şəkildə yerinə yetirdiyini və ÜDM-in demək olar 4%-ni müdafiəyə xərclədiyini bildirib. NATO ölkələrinə ÜDM-in ən azı 2%-ni müdafiəyə xərcləməklə bağlı öhdəlik qoyulub. Lakin əksər Alyans üzvləri bu öhdəliyi yerinə yetirə bilmir.
Poliqon.info