İsrail Qəzzaya beynəlxalq qoşun göndərilməsinə icazə verə bilər

İsrailin təhlükəsizlik qüvvələri quru əməliyyatı başa çatdıqdan sonra Qəzza zolağına tərkibində ABŞ, Fransa və Almaniyanın iştirak etdiyi beynəlxalq kontingentin yerləşdirilməsi imkanlarını öyrənir.

Poliqon xəbər verir ki, bu barədə İsrailin “Kanal 12” televiziyası məlumat yayıb. Lakin sülhməramlıların Fələstin anklavında qalma müddəti hələ ki, dəqiqləşdirilməyib.

Telekanal xəbər verir ki, təklif olunan variantlardan birinə əsasən, regionun inzibati orqanlarına Qəzza zolağından olan biznes ictimaiyyətinin nümayəndələri və Fələstin hökumətinin rəsmiləri daxil olacaq.

Həmçinin, telekanalın məlumatına görə, Təl-Əviv Qəzza ilə Misir arasında bütün sərhəd boyunca “yeraltı maneə” yaratmaq niyyətindədir. Bununla da İsrail tunellər vasitəsilə anklav ərazisinə silahların keçirilməsinin qarşısını alacaq. Bundan əlavə, “Rəfah” keçid məntəqəsində yeni terminal inşa edilməlidir. Bu terminal beynəlxalq qüvvələrin və İsrailin nəzarəti altında fəaliyyət göstərəcək. Telekanal Tel-Əvivin bu layihəni yaxın günlərdə ABŞ-ın yüksək rütbəli rəsmilərinə təqdim edəcəyini vurğulayıb.

Poliqon.info