Kremlin saytı hücuma məruz qalıb və fasilələrlə işləyir

Poliqon xəbər verir ki, bu barədə “Baza” Telegram kanalı məlumat yayıb. Kanal yazır ki, saytın yüklənməsi ilə bağlı problemlər var və arabir açılır. Ən böyük problemlər saytı fərdi kompüterdən açarkən müşahidə olunur.

“Baza” hesab edir ki, Rusiya prezidentin saytı haker hücumuna məruz qalıb.

Bundan əvvəl Kreml Rusiyadakı seçki kampaniyasının Qərbdə “rusofobik hücumlara” səbəb olacağını gözlədiklərini bildirib. Dövlət başçısının mətbuat katibi Dmitri Peskovun sözlərinə görə, buna səbəb Qərbdə Rusiyada cəmiyyətin konsolidasiya dərəcəsini qiymətləndirə bilməmələri, Rusiya prezidenti Vladimir Putinə ictimai dəstəkdən xəbərsiz olmalarıdır.

Qeyd edək ki, Rusiyada prezident seçkiləri 2024-cü il martın 17-də keçiriləcək. Seçki kampaniyası 2023-cü ilin dekabrında başlamalıdır.

Poliqon.info