İsrail tərəfinin bildirdiyinə görə, Netanyahu hpküməti Fələstin HƏMAS hərəkatının yaraqlılarının gizləndiyi yeraltı tunellər sistemini su altında saxlamaq imkanını nəzərdən keçirir...
Poliqon xəbər verir ki. bu barədə The Wall Street Journal qəzeti amerikalı rəsmilərə istinadən məlumat yayıb.
WSJ yazır ki, noyabrın ortalarında İsrail Müdafiə Qüvvələri “Əl-Şati” qaçqın düşərgəsi yaxınlığında beş nasos stansiyasının quraşdırılmasını başa çatdırıb. Qəzetin yazdığına görə, bu qurğulardan istifadə etməklə, bir neçə həftəyə Aralıq dənizindən su çəkmək və tunelləri su ilə doldurmaq olar.
Mənbələrin bildirdiyinə görə, İsrail hakimiyyəti amerikalı həmkarlarına bu ehtimalla bağlı xəbərdarlıq edib. Lakin hələlik heç bir qərar verilməyib. Narahatlıqlar, xüsusən, tunellərdə yerləşə bilən təhlükəli maddələrlə torpağın mümkün çirklənməsi ilə bağlıdır.
Xatırladaq ki, Qəzza zolağında tunel şəbəkəsinin tikintisinə 2010-cu ildə başlanılıb. Onların ümumi uzunluğu 400–500 km, dərinliyi isə 35 m-ə çatır.Noyabr ayında İsrail ordusu Fələstin qrupunun 150-dən çox tunel və digər yeraltı obyektlərinin dağıdılması barədə məlumat vermişdi.
Poliqon.info