Beynəlxalq Uşaq Fondu (UNICEF) Nigeriyada 4 ildə 650 min uşağın şiddətli yağışların səbəb olduğu daşqınlar səbəbindən evlərini tərk etdiyini bildirib...
Poliqon xəbər verir ki, bu barədə UNICEF-in Kaduna Ştat Sahə Ofisinin rəhbəri Gerida Birukila bildirib.
Onun sözlərinə görə, Nigeriya uşaqların iqlim dəyişikliyinin təsirlərinə məruz qalma və kövrəklik baxımından dünyanın ikinci ən pis ölkəsidir.
Gerida Birukila 2016-2021-ci illər arasında ölkədə baş verən daşqınlar səbəbiylə 650 min uşağın evlərindən didərgin düşdüyünü, qarşıdakı 30 ildə isə çay daşqınları səbəbindən 3,1 milyondan çox uşağın evlərini tərk edə biləcəyini qeyd edib.
Nigeriyalı uşaqların iqlim dəyişikliyindən qeyri-mütənasib şəkildə təsirləndiyinə diqqət çəkən Gerida Birukila "Artan temperaturlar, daşqınlar, quraqlıqlar və şiddətli fırtınalar Nigeriyada uşaqlar üçün iqlimlə bağlı ən ciddi təhdidlərdir", deyib.
UNİCEF rəsmisi vurğulayıb ki, ətraf mühitin pozulması və iqlim dəyişikliyi qidanın mövcudluğuna təsir edir və qida çatışmazlığına səbəb olur.
Poliqon.info
Digərxəbərlər
Populyar xəbərlər
