Sorğu zəngin ölkələrdə ABŞ-a dəstəyin artdığını və Çinin reytinqinin aşağı düşdüyünü göstərib...
Zəngin ölkələr ABŞ-a Çindən daha müsbət baxır.
Poliqon xəbər verir ki, Bloomberg Agentliyi bu barədə Amerikanın “Pew” Tədqiqat Mərkəzinin keçirdiyi sorğuya istinadən məlumat yayıb. Hesabat iki ölkə arasında qlobal təsir uğrunda şiddətli mübarizə fonunda hazırlanıb.
“Bu il sorğu keçirilən əksər ölkələrin ictimai rəyində ABŞ-ın Çinə qarşı reytinqi qat-qat müsbətdir. Lakin bu, təxminən iyirmi illik müsbət rəy sorğuları ərzində həmişə belə olmayıb və ölkələrin fikirləri liderlərinin fikirləri ilə yanaşı dəyişib”, deyə hesabatda bildirilir.
Amerikanın “Pew” Tədqiqat Mərkəzinin 2023-cü ildə keçirdiyi sorğuda 24 ölkənin orta hesabla 58 faizi ABŞ-a müsbət baxdığını, bu göstərcinin Çinə qarşı isə orta hesabla 21 faiz olduğu ortaya çıxıb. 2020-ci ildə keçirilən son sorğu ilə müqayisədə ABŞ-ın cəlbediciliyi 20 faiz artıb, Çinin reytinqi isə 4 faiz aşağı düşüb.
Hesabatda göstərilir ki, ABŞ-a qarşı müsbət artım ən çox Polşa, Yaponiya və Cənubi Koreyada olub. Bu ölkələrdə respondentlərin 70 faizindən çoxu ABŞ-ı müsbət qiymətləndirib, Çinin xeyrinə isə müsbət yanaşma 30 faizdən az olub. İndoneziya, Cənubi Afrika və Meksika kimi orta gəlirli ölkələrdə ictimai rəyin tədqiq olunan ölkələrə olan rəğbətindəki fərqlər azalıb, Nigeriyada isə Çin ABŞ-ı ötüb.
Poliqon.info