"Bakı və bölgələrdə olan universitetlərin müəllim heyətinin əməkhaqqısında kifayət qədər fərq var"...
“Report” xəbər verir ki, bunu Milli Məclisin deputatı Məlahət İbrahimqızı parlamentdə “Azərbaycan Respublikasının 2024-cü il dövlət büdcəsi haqqında” qanun layihəsinin müzakirəsində deyib.
O bildirib ki, regionlarda bir çox universitetlərin filialları fəaliyyət göstərir: “Amma daxil olan müraciətlərə əsasən, deyə bilərəm ki, paytaxtda və rayonlarda çalışan elmi dərəcəsi olan müəllimlərin əməkhaqqısında ciddi fərqlər var. Belə olduqda tanınmış alimlərimizin bölgələrdə işləməyə marağı olmaz”.
M.İbrahimqızı əlavə edib ki, bu gün gənclərin sürətlə şəhərə axını prosesi gedir: “Başa düşürük, bu, bütün dünyada belədir. Ali məktəbi bitirən məzunların sonrakı təyinatı məsələsində müəyyən boşluqlar mövcuddur. Təyinat olmadığından sərhəd bölgələrində ciddi kadr problemi var”.
Poliqon.info