Macarıstan və Slovakiya Avropa İttifaqından Ukraynaya 50 milyard avroluq yardım paketinin ayrılmasına qarşı çıxıblar...
Poliqon xəbər verir ki, bu barədə Politico qəzeti diplomatik dairələrə istinadən yazır.
Macarıstan və Slovakiyanın Ukraynaya yardımın xeyrinə Avropa İttifaqı büdcəsində islahatlardan imtina etməsi qurumun Brüsseldə keçirilən sammiti zamanı rəsmiləşdirilib.
Nəşrin mənbələrinin bildirdiyinə görə, Slovakiyanın Baş naziri Robert Fiko Kiyevə yardımdan imtina etməsini ölkədə korrupsiyanın yüksək səviyyədə olması və pulların oğurlanacağından qorxması ilə əsaslandırıb.
Bundan əvvəl Avropa İttifaqı ölkələrinin xarici işlər nazirliklərinin rəhbərləri Ukraynaya hərbi yardım üçün 8-ci maliyyə paketinin ayrılması məsələsində razılığa gələ bilməyiblər. Avropa diplomatiyasının rəhbəri Cozep Borrell Lüksemburqdakı görüşdən sonra Kiyevə yeni tranşın ayrılmasına çalışacağını bildirib.
Qeyd edək ki, Rusiyayönlü siyasətçi hesab olunan Robert Fikonun partiyası bu yaxınlarda keçirilən seçkidə qalib gəlib və o, baş nazir seçilib. Robert Fiko əvvəllər də Sklovakiyanın baş naziri olub.
Macarıstanın isə Ukrayna ilə uzun müddətdir problemləri var. Onlar Avropada Rusiya ilə əlaqələri davam etdirən azsaylı ölkələrdən biridir.
Poliqon.info