İordaniya Kralı Qəzzada müharibənin davam etdirilməsinin regionda vəziyyətin “partlamasına” səbəb olacağını bildirib...
Qəzza zolağında İsraillə HƏMAS arasında müharibəyə son qoyulması təcili ehtiyacdır, əks halda Yaxın Şərqdə “partlayış” baş verə bilər.
Poliqon xəbər verir ki, bunu İordaniya kralı Abdulla Əmmanda Fransa prezidenti Emmanuel Makronla görüşündə deyib. İordaniya kralının sözlərinə görə, dünya gücləri Qəzza zolağının amansız bombalanmasını və 2,3 milyon fələstinlinin sıx məskunlaşdığı anklavı blokadaya almasını dayandırması üçün İsrailə təzyiq etməlidir.
Qeyd edək ki, çərşənbə axşamı İsrail və Fələstin liderləri ilə danışıqlardan sonra Əmmana gələn Makron kral Abdullahla gələcək Fələstin dövlətinin İsraillə birgə mövcud olmasına əsaslanan sülh təkliflərini və münaqişəyə son qoymağın yollarını müzakirə edib.
“Qəzzada müharibənin davam etdirilməsi regionda vəziyyətin partlamasına gətirib çıxaracaq” deyən Abdullah Makrona bölgə liderləri arasında müharibənin Qəzza zolağından çox kənara da yayıla biləcəyinə dair qorxularını çatdırıbı.
“Biz İsrailin Fələstin xalqının köçürməsinə və ya Qəzzalıların daxili yerdəyişməyə təhrik etmək cəhdlərinə qarşıyıq”, deyə kral Abdullah bildirib.
Poliqon.info