İran yaraqlı qrupların ABŞ-ın Yaxın Şərqdəki hərbi bazalarına hücumlarını fəal şəkildə dəstəkləyir və Birləşmiş Ştatlar regionda daha geniş münaqişə ehtimalından narahatdır...
Poliqon "Newsweek" nəşrinə istinadən xənər verir ki, ABŞ Milli Təhlükəsizlik Şurasının sözçüsü Con Kirbi Tehranın regionda ABŞ qüvvələrinə qarşı İranın dəstəklədiyi qrupların hücumlarının artmasını yaxından izlədiyini və bu səyləri dəstəklədiyini bildirib.
"Biz bilirik ki, İran bu hadisələri diqqətlə izləyir və bəzi hallarda bu hücumlara fəal şəkildə kömək edir", deyə Kirbi bildirib.
O, əlavə təfərrüatlar vermədən İranın raket, sursat və digər resursları təmin etdiyini bildirib.
İran uzun müddətdir ki, Livandakı "Hizbullah" və Fələstindəmki HƏMAS da daxil olmaqla, bölgədəki çoxsaylı silahlı qrupları dəstəkləyir. Bayden administrasiyası da ABŞ qoşunlarına hücumlar artdıqca İranın dəstəklədiyi qrupların artan təhdidləri barədə xəbərdarlıq edib.
Xüsusilə, "İslami Müqavimət" hərəkatı ABŞ-ın Ət-Tanf, Əl-Malikiya və Suriyadakı Əl-Rukban düşərgəsi ərazisindəki bazalarına hücuma görə məsuliyyəti öz üzərinə götürüb.
Həmçinin oktyabrın 23-də Suriyanın şərqindəki Əş-Şədadi bölgəsində Amerika bazasına kamikadze pilotsuz təyyarələrin hücumu barədə məlumat yayılıb.
Poliqon.info
Digərxəbərlər
Populyar xəbərlər
