İlahə Hüseynova jurnalistlərə açıqlama verib...
"Beynəlxalq Qızıl Xaç Komitəsinin (BQXK) Xankəndi ofisi hazırda fəaliyyətini davam etdirir. Əməkdaşlarımız ev-ev gəzərək orada qalan insanları tapmağa çalışırlar".
Poliqon xəbər verir ki, bu fikirləri BQXK-nin Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova jurnalistlərə açıqlamasında deyib.
"Ailələrin qovuşması yönündə fəaliyyət göstərir, ehtiyacı olan insanları təxliyə edirik. Bu həm ailə qovuşması, həm də tibbi baxımdan ola bilər. İnsanların ailələrinə qovuşmasına yardım göstəririk", - o bildirib.
***
Beynəlxalq Qızıl Xaç Komitəsinin (BQXK) 5 ofisindən heç biri, o cümlədən Xankəndidəki ofisi fəaliyyətini dayandırmayıb.
"Report" xəbər verir ki, bunu BQXK-nin Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova qurumun media nümayəndələri üçün keçirdiyi brifinqdə məlumat verib.
O bildirib ki, Xankəndidə olan ofis də heç vaxt Ermənistana tabe olmayıb və olmayacaq: "Qurumun illik hesabatlarında da Qarabağ hər zaman Azərbaycanın ərazisi kimi qeyd olunub".
Poliqon.info