Ukraynadakı münaqişə Aİ-nin büdcəsini tükəndirib

Poliqon xəbər verir ki, bu barədə Avropa Parlamentinin (AP) saytında məlumat verilib.

“Ukraynadakı münaqişə və inflyasiya Avropa İttifaqının uzunmüddətli büdcə ehtiyatlarını tükəndirib. Avropa İttifaqının böhranlara cavab verməsi üçün daha çox vəsaitə ehtiyacı var”, deyə məlumatda bildirilib.

Çoxillik Maliyyə Çərçivəsi (MFF) kimi də tanınan Avropa İttifaqının uzunmüddətli büdcəsi, Brüsselin fermerlərə, regionlara, bizneslərə, tələbələrə və ya tədqiqatlara dəstək kimi müxtəlif sahələrə nə qədər pul yatıra biləcəyini müəyyən edən 7 illik maliyyə planıdır.

Avropa Parlamenti qeyd edib ki, uzunmüddətli büdcə Avropa İttifaqının illik xərclərinə məhdudiyyətlər qoyur və cari çərçivə 2021-2027-ci illəri əhatə edir, dəyişikliklərə ehtiyac olub-olmadığını müəyyən etmək üçün 2023-cü ildə ortamüddətli nəzərdən keçirilməlidir.

Avropa Parlamenti bildirib ki, büdcənin nəzərdən keçirilməsi Ukraynadakı münaqişənin nəticələrini aradan qaldırmalı, Kiyevi dəstəkləməli, Avropa İttifaqnın strateji muxtariyyətini və suverenliyini gücləndirməli, quruma böhranların öhdəsindən gəlmək üçün daha çox çeviklik verməlidir.

Poliqon.info