Oktyabrın 3-də Gürcüstanın Konstitusiya Məhkəməsi ölkə prezidenti Salome Zurabişvilinin impiçmenti iddiasına baxmaq üçün ilk iclas keçirəcək...
Poliqon xəbər verir ki, impiçment proseduru hakim “Gürcü Arzusu-Demokratik Gürcüstan” Partiyasından olan parlament üzvləri tərəfindən irəli sürülüb. Deputatlar Zurabişvilini Gürcüstan hökuməti ilə razılaşdırılmayan xarici səfərlərdə ittiham ediblər.
Oktyabrın 1-də Gürcüstan prezident administrasiyası hökumətin qadağası və Konstitusiya Məhkəməsində impiçment məsələsinə baxılması səbəbindən Zurabişvilinin Belçikaya səfərini ləğv etdiyi barədə bəyanat yayıb.
Bundan əvvəl hakim “Gürcü Arzusu-Demokratik Gürcüstan” Partiyasının baş katibi, Tiflis meri Kaxa Kaladze bildirmişdi ki, dövlət başçısı Salome Zarubişvili Avropa İttifaqı ölkələrinə səfər etməklə konstitusiyanı qəsdən pozur. Onun fikrincə, belə hərəkətlər ölkədə sabitliyi pozmaq və xaosa səbəb olmaq üçün edilir. O, hakim partiyanın belə hadisələrə yol verməyəcəyini də bildirib.
Poliqon.info
Digərxəbərlər
Populyar xəbərlər
