Litva gömrük orqanları Rusiya dövlət nömrə nişanlı avtomobillərin sahiblərinə yeni tələb təqdim ediblər...
İndi ölkəyə giriş qadağası qüvvəyə minməzdən əvvəl (11 sentyabr 2023-cü il) daxil olmuş avtomobillər respublika və Avropa İttifaqının ərazisindən ixrac edilməlidir.
Poliqon xəbər verir ki, bu barədə müvafiq bəyanat Litva gömrük idarəsinin saytında dərc olunub.
Qadağa həmçinin 10 nəfərə qədər tutumu olan karavan və mikroavtobuslara da şamil edilir. İstisna, Litva ərazisindən tranzitlə Kalininqrad vilayətinə gedən Rusiya nömrəli avtomobillərdir. Tələblərə görə, tranzit 24 saatdan çox olmamalıdır və nəqliyyat vasitəsi sahibi tərəfindən idarə edilməlidir. Yeni tələb yerinə yetirilməsə, Litva səlahiyyətliləri nəqliyyat vasitələrini cərimə və ya müsadirə edəcəklər.
Finlandiya, Estoniya, Litva, Latviya və Polşada Rusiya dövlət nömrə nişanlı avtomobillərə giriş qadağan edilib. Bu qərar Avropa Komissiyasının tövsiyələri əsasında qəbul olunub.
Poliqon.info