Keçmiş arvadı iki il sonra xəstəxanada Saakaşvilini ziyarət edib

Poliqon xəbər verir ki, Sandra Rulofs özü məlumat yayıb. Sandra deyib ki, o, iki ildən sonra ilk dəfə buna “psixoloji cəhətdən qadir olub”. Bu barədə “RİA Novosti” Rulovsun sosial şəbəkədəki paylaşımına istinadən xəbər verir.

Saakaşvilinin keçmiş həyat yoldaşının sözlərinə görə, keçmiş ərini ziyarət etmək üçün “psixoloji cəhətdən hazır olmağa” ona iki il lazım olub. Sandra Rulofs Tiflis klinikasında baş tutan görüşün “səmimi söhbət” olduğunu bildirib. Sandra Rulofs keçmiş prezidentlə artıq birlikdə olmadıqlarını vurğulayaraq, eyni zamanda Saakaşviliyə cansağlığı və xoşbəxtlik arzulayıb.

Qeyd edək ki, Saakaşvili özünə qarşı bir sıra cinayət işlərinin olmasına baxmayaraq, 2021-ci ilin payızının ortalarında gizli şəkildə vətəninə qayıdıb. Nəticədə Gürcüstanın eks-prezidenti həbs edilib. Saakaşvili özü həbsini siyasiləşmiş adlandırıb və aclıq aksiyasına başlayıb. Sonradan eks-prezidentin səhhəti ciddi şəkildə pisləşib, 2022-ci ilin mayında müayinə olunmaq üçün həbsxanadan paytaxtdakı klinikaya köçürülüb.

Xatırladaq ki, milliyətcə holland olan Sandra Rulofs 1993-cü ildə Strasburqda Beynəlxalq İnsan Hüquqları İnstitutunda ali təhsilini davam etdirərkən Mixail Saakaşvili ilə tanış olub və onunla birlikdə Nyu-Yorka köçüb. 1996-cı ildə cütlük Gürcüstana gəlib və Sandra Rulofs Beynəlxalq Qırmızı Xaç Komitəsində və Niderland Krallığının konsulluğunda işləyib. Onlar 2004-cü ildə rəsmi nikaha giriblər və 2013-cü ildə boşanınlar. Cütlüyün Eduard (1995) və Nikoloz (2005) adlı iki oğlu var.

Poliqon.info