London ABŞ hakimiyyətindən asılı olmayaraq Ukraynanı dəstəkləyəcək

Poliqon xəbər verir ki, Qrant Şapps bu barədə BBC-nin efirində bildirib.

“Biz Respublikaçıların praymerizində nə baş verdiyini görənə qədər bir müddət keçəcək, lakin biz Ukraynadakı dostlarımızla çiyin-çiyinə durmağa davam edəcəyik. Mən səmimi qəlbdən inanıram ki, əslində amerikalılar Ukraynanın demokratik dövlət olaraq qalmasını təmin edilməsini onların və bütün dünyanın maraqlarına uyğun olduğuna inanırlar”, deyə Şapps qeyd edib.

Müdafiə Nazirliyinin rəhbəri Böyük Britaniyanın Ukraynanı sursatla təmin etməkdə davam etdiyini bildirib, həmçinin Londonun F-16-ları idarə etmək üçün ukraynalı pilotlara təlim keçmək niyyətində olduğunu xatırladıb. Şapps əlavə edib ki, 2023-cü ilin sonuna qədər İngiltərədə 30 min ukraynalı hərbçi təlim keçəcək.

Poliqon.info