Maliyyə ayrılmasa belə, Pentaqon Kiyevə kömək etməyə davam edəcək

Poliqon xəbər verir ki, bu barədə Amerikanın Müdafiə Nazirliyinin nümayəndəsi Kris Şervud Politico nəşrinə müsahibəsində bildirib. O, qeyd edib ki, Pentaqon Ukrayna Silahlı Qüvvələrinə gələcək yardımı artıq təmin edib və ABŞ Konqresi sentyabrın sonuna qədər maliyyələşdirmə ilə bağlı qərar qəbul etməsə belə, Pentaqon Kiyevə yardımı davam etdirə biləcək.

Şervud vurğulayıb ki, qanunvericilər arasında razılıq əldə olunmadığı üçün ABŞ Müdafiə Nazirliyi Ukraynaya dəstək fəaliyyətlərini davam etdirmək qərarına gəlib. Onun sözlərinə görə, bu addım o deməkdir ki, ABŞ hərbçilərinin münaqişə ilə bağlı fəaliyyəti, o cümlədən Ukrayna hərbçilərinə təlim keçməkdə, həmçinin Kiyevi silahla təmin etməkdə davam edəcək.

Qeyd edək ki, ABŞ prezidenti Co Bayden Ukrayna üçün “Hawk” hava hücumundan müdafiə sistemlərinin, artilleriya və mərmilərin ikinci batareyasını ehtiva edən yeni silah paketini təsdiqləyib. Bundan əlavə, gələn həftə ilk “Abrams” tankları Ukraynaya göndəriləcək.

Poliqon.info