Duda BMT Baş Assambleyasının sessiyası çərçivəsində Zelenski ilə görüşün ləğv edildiyini açıqlayıb...
Polşa prezidenti Anjey Duda ukraynalı həmkarı Vladimir Zelenski ilə Nyu-Yorkda BMT Baş Assambleyası çərçivəsində planlaşdırılan görüşünün qrafikdəki dəyişikliklərə görə ləğv edildiyini bildirib.
Poliqon xəbər verir ki. bu barədə “Polskie Radio” məlumat yayıb. Qeyd edilir ki, tərəflər digər məsələlərlə yanaşı, Ukrayna taxılının idxalını da müzakirə etməli idilər.
"Hazırda bu məsələ gündəmdən çıxarılıb", deyə Duda deyib. O, iki ölkə liderinin söhbətinin daha sonra baş tutacağına ümid etdiyini bildirib. Vladimir Zelenski görüşün ləğvi ilə bağlı açıqlama verməyib.
Qeyd edək ki, sentyabrın 15-də Avropa Komissiyası Ukraynadan Bolqarıstan, Macarıstan, Polşa, Rumıniya və Slovakiyaya taxıl tədarükünə qoyulan embarqonu uzatmayıb. Polşa, Macarıstan və Slovakiya nümayəndələri bununla razılaşmayaraq, Ukrayna taxılının idxalını ölkə səviyyəsində məhdudlaşdıraraq, öz qərarlarını fermerlərin maraqlarını qorumaqla izah ediblər.
Bunun ardınca Ukraynanın Baş naziri Denis Şmıqal Macarıstan və Polşadan müəyyən kateqoriyalı malların ölkəyə idxalına qadağanın tətbiqinə icazə verib. Həmçinin Ukrayna Ümumdünya Ticarət Təşkilatının normalarını pozduğuna görə Polşa, Macarıstan və Slovakiyaya da rəsmi müraciət edib.
Poliqon.info
Digərxəbərlər
Populyar xəbərlər
