Amerika kazino və otel operatoru “Caesars Entertainment Inc.” hakerlərə avqustun sonunda baş verən kiberhücumdan sonra tələb etdikləri 30 milyon dolların təxminən yarısını ödəyiblər...
Poliqon xəbər verir ki. bu barədə The Wall Street Journal qəzeti yazıb. Qəzetin məlumatına görə daha əvvəl ödəniş faktını açıqlamayan “Caesars”ın bu həftə ABŞ Qiymətli Kağızlar və Birja Komissiyasına (SEC) müvafiq məlumatları təqdim edəcəyi gözlənilir.
Əvvəllər hakerlər operatorun kompüter sistemlərinə giriş əldə edib və şirkət fidyə ödəmədiyi təqdirdə məlumatları açıqlayacaqları ilə hədələyiblər.
Digər operator “MGM Resorts International” kiberhücumun nəticələrini aradan qaldırmağa davam etdiyi üçün analoji problemlə üzləşib, nəticədə idman mərc oyunları üçün kredit kartları, slot maşınları, terminallar şəbəkəsindən istifadə etmək mümkün olmayıb.
Sentyabrın 12-də “MGM Resorts” hadisə ilə bağlı SEC-ə məlumat verib və qeyd edib ki, hakerlərin hərəkətləri şirkət üçün əhəmiyyətli risklər yaradır. Moody's bildirib ki, operatorun elektron sistemlərinə edilən müdaxilə MGM-in kredit reytinqinə mənfi təsir göstərə bilər.
“Caesars” və MGM birlikdə Las-Veqasda 60.000-ə yaxın otel otağını və ölkə üzrə on minlərlə daha çox otaqları əhatə edir.
Poliqon.info
Digərxəbərlər
Populyar xəbərlər
