Pentaqon bildirib ki, Birləşmiş Ştatlar Nigerdəki qoşunlarının və hərbi texnikasının bir hissəsini Niameydəki 101-ci aviabazadan Aqadezdəki 201-ci aviabazaya köçürəcək...
Poliqon xəbər verir ki. bu barədə France Presse Agentliyi məlumat yayıb. Agentlik qeyd edir ki, Vaşinqtonun ölkədə 1100-ə yaxın hərbçisi var, lakin onlardan neçəsinin transferdə iştirak edəcəyi məlum deyil.
Pentaqon bu addımı “ehtiyat tədbiri” adlandırıb. Pentaqonun sözçüsü Sabrina Sinq bildirib ki, “sahədəki amerikalı personal üçün ani təhlükə yoxdur” dedi. O, əlavə edib ki, 101-ci hərbi bazada “kiçik bir heyət” qalacaq.
Xatırladaq ki, iyulun 27-də Niger ordusu prezident Mohamed Bazum-un vəzifəsindən uzaqlaşdırıldığını elan edib. Avqustun 30-da hərbçilər Fransa ilə bütün müqavilələrin ləğv edildiyini elan edərək, qoşunlarının çıxarılmasını tələb ediblər. Ölkədə 1,5 minə yaxın fransız əsgəri yerləşdirilib. ABŞ ərbiçilərinə qarşı isə belə bir tələb irəli sürülməyib.
Poliqon.info