Sentyabrın 20-də Rusiyada yeni səfərbərlik dalğası başlayacaq...
Poliqon xəbər verir ki, bu barədə Rusiyanın müxalif telegram kanalları yazır. Xəbərdə qeyd edilir ki, artıq Kreml bu ay ikinci məcburi səfərbərliyə qərar verib.
Mənbələrdən birinin fikrincə, səfərbərliyin ikinci dalğasının məntiqi ondan ibarətdir ki, qoşunlarda operativliyin artırılması və həddən artıq xidmətin, birinci dalğada səfərbər olanların ailələrində narazılıqların qarşısının alınması üçün 21 sentyabr 2022-ci il tarixli fərmanla çağırılan hərbçilərin növbə ilə dəyişdirilməsinin vaxtı çatıb.
Qeyd edilir ki, dövlət vətəndaşlara təsir rıçaqlarını gücləndirib və indi bundan yayınanların cinayət məsuliyyətinə cəlb edilməsi, çağırış vərəqəsi aldıqdan sonra Hərbi Komitəyə gəlməməyə görə 30 min rubl məbləğində cərimələnməsi nəzərdə tutulur.
Ukrayna Daxili İşlər və Rabitə Nazirliyinin rəhbəri Kirilo Budanovun sözlərinə görə, Rusiya müharibəyə daha 450 min nəfəri səfərbər etmək variantını nəzərdən keçirir.
Ukrayna mətbuatının yazdığına görə, Rusiya artıq prezident Vladimir Putinin yeni genişmiqyaslı səfərbərlik dalğası elan edən fərman layihəsini hazırlayıb, tezliklə imzalaya bilər.
Poliqon.info