Avropa İttifaqının müdafiə nazirləri prezident seçkilərindən sonra hərbçilərin hakimiyyəti ələ keçirdiyi Qabondakı vəziyyəti müzakirə edəcəklər...
Poliqon Reuters Agentliyinə istinadən xəbər verir ki, bunu Avropa İttifaqının Xarici siyasət və Təhlükəsizlik məsələləri üzrə Ali Nümayəndəsi Josep Borrell bildirib.
“Əgər Qabondakı çevriliş təsdiqlənərsə, bu, regionda qeyri-sabitliyi artıracaq növbəti hərbi çevriliş olacaq. Mərkəzi Afrika Respublikası, sonra Mali, sonra Burkina Faso, indi Niger, bəlkə də Qabondan başlayaraq bütün region çox çətin vəziyyətdədir və təbii ki, nazirlər orada baş verənlər və bu ölkələrə qarşı siyasətimizi necə təkmilləşdirə biləcəyimiz barədə dərindən düşünməlidirlər. Bu, Avropa üçün böyük problemdir”, deyə Borrel müdafiə nazirlərinin Toledoda keçirilən görüşündə deyib.
Fransanın Baş naziri Elizabet Born isə bildirib ki, Paris Qabondakı vəziyyəti diqqətlə izləyir.
Poliqon.info