Priqojinin biznes təyyarəsinin qəzaya uğraması nəticəsində ölənlərin cəsədləri Tver meyitxanasına aparılıb...
“Vaqner” ÖHŞ-nin təsisçisi Yevgeni Priqojinə məxsus “Embraer” biznes-jetinin qəzaya uğraması nəticəsində həlak olanların cəsədləri Tver vilayətindəki meyitxanaya aparılıb.
Poliqon xəbər verir ki, bu barədə REN TV məlumat yayıb. Məlumatda qeyd olunur ki, ölənlərin cəsədlərinin məhkəmə-tibbi ekspertizası aparılacaq.
Qeyd edək ki, avqustun 23-ü axşam saatlarında Tver vilayətinin Kujenkino kəndi yaxınlığında şəxsi “Embraer Legacy” təyyarəsi qəzaya uğrayıb. Təyyarə Moskva - Sankt-Peterburq reysi həyata keçirib. Təyyarədə 10 nəfər olub, onlardan üçü ekipaj üzvü olub. İlkin məlumata görə, onların hamısı ölüb.
Federal Hava Nəqliyyatı Agentliyi bildirib ki, təyyarənin göyərtəsində sərnişinlər siyahısında biznesmen Yevgeni Priqojin var.
Təyyarənin qalıqlarından biri qəza yerindən təxminən iki kilometr aralıda, Kujenkino kəndinin girişində tapılıb.
Poliqon.info