Polşa hakimiyyəti Ukraynadakı müharibə fonunda hərbi kontingenti artırmağa və ölkənin təhlükəsizliyini gücləndirməyə davam edir...
Poliqon xəbər verir ki, Polşanın müdafiə naziri Mariuş Blaşçak Baltikyanı ölkələrin enerji infrastrukturunu qorumaq üçün “Formosa” diviziyasında yeni xüsusi təyinatlı dəstənin yaradıldığını açıqlayıb.
“Yeni qrupun yaradılması Polşa infrastrukturunun ən mühüm obyektlərinin - Şinoujsyedəki qaz limanının və Baltik boru kəmərinin fəaliyyəti ilə bağlı müasir hərbi və qeyri-hərbi təhlükələrə cavabdır”, deyə nazir bildirib.
Blaşçak qeyd edib ki, bu qərar Rusiyanın təcavüzkar siyasətindən irəli gələn təhlükələrə cavab olaraq verilib.
"Biz müxtəlif təxribatların mümkünlüyünü nəzərə almalıyıq", deyən nazir polyakları ordu sıralarına, o cümlədən xüsusi təyinatlılara daha fəal qoşulmağa çağırıb.
Poliqon.info
Digərxəbərlər
Populyar xəbərlər
