Qərbi Afrika İqtisadi Birliyi (ECOWAS) diplomatik səylər uğursuz olarsa, Nigerdə hərbi əməliyyatlara müraciət edə bilər...
Poliqon xəbər verir ki, bunu ECOWAS-ın sülh və təhlükəsizlik üzrə komissarı Abdel Fattah Musah deyib. Bu barədə “Arab news” telekanalı məlumat yayıb.
“Vəziyyət gərginləşərsə, kontingentimizi Nigerə göndərəcəyik, həmçinin konstitusiya quruluşunun bərpasına zəmanət vermək üçün avadanlıq və resursları oraya köçürəcəyik”, deyə Musah ECOWAS ölkələrinin Qanadakı Baş qərargahlarının nümayəndələrinin iclasından sonra deyib.
Güc tətbiq etməyə hazır olduğuna sübut kimi Musah ECOWAS qoşunlarının Qambiya və Liberiyada yerləşdirilməsinə işarə edib.
“Digər demokratik tərəfdaşlar bizi dəstəkləmək istəsələr, biz bunu alqışlayacağıq”, deyə Musah əlavə edib.
Həmçinin ECOWAS-ın sülh və təhlükəsizlik üzrə komissarı Nigerdəki xuntanı vətənə xəyanət ittihamı ilə devrilmiş prezident Mohamed Bazumu mühakimə etmək niyyətində olduqlarına, danışıqlardan imtina etdiklərinə və çevrilişə haqq qazandırmağa çalışdıqlarına görə tənqid edib.
Poliqon.info