ABŞ Rusiyaya ərazi güzəştləri müqabilində Ukraynanın NATO-ya daxil olması imkanını müzakirə etmir...
Poliqon xəbər verir ki, bunu Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib.
"Belə bir şey yoxdur. Biz artıq üzvlük yolu tapmağa kömək etmək barədə danışmışıq. Biz açıq şəkildə NATO-nun Ukraynanın gələcəyi olacağını demişik və Vilnüsdə keçirilən sammitdə Alyans bu ideyanı, mümkün üzvlük üçün yol xəritəsi hazırlana biləcəyi fikrini dəstəkləyib", deyə Kirbi bildirib.
ABŞ rəsmisi əlavə edib ki, indi əsas diqqət Ukraynaya Rusiyanın təcavüzünü dəf etmək və onun onlara məxsus olan ərazilərini geri almağa kömək etmək üzərində cəmlənməlidir:
"Və onlar bunu edirlər. Hər gün irəliləyişə nail olurlar. Hətta onlar bunun istədikləri qədər uzaq və ya sürətli olmadığını söyləyib, lakin irəliləyiş əldə edirlər. Və biz onları dəstəkləməyə davam edəcəyik".
Qeyd edək ki, bir müddət əvvəl NATO kanslerliyinin rəhbəri Stian Yenssen Ukraynanın ərazisinin bir hissəsinin Rusiyaya güzəştə getməsi müqabilində Alyansa üzv ola biləcəyini təklif edib. Onun sözlərinə görə, bu, Ukraynada müharibənin başa çatmasının bir hissəsi ola bilər.
Poliqon.info