İmran Xanın cəzasını harada çəkəcəyi bəlli oldu - Yenilənib

Pakistanın keçmiş baş naziri və müxalifətdəki Ədalət Hərəkatının lideri İmran Xan Ravalpindi mərkəzi həbsxanasında saxlanılacaq.

Bu barədə Lahor şəhərinin polis rəisi Bilal Siddiq Kamiana istinadən məlumat yayılıb.

Onun sözlərinə görə, İslamabada gəldikdən sonra Xan Ravalpindi şəhərinin mərkəzi həbsxanasına aparılacaq.

Gözlənildiyi kimi, eks-baş nazir öz cəza müddətini burada keçirəcək.(oxu.az)

***

"Report" xəbər verir ki, bu barədə "Dawn" qəzeti məlumat yayıb.

Sabiq hökumət başçısı korrupsiyada təqsirli bilinib. Məhkəmənin qərarı ilə o 1209 dollar məbləğində cərimə ödəməlidir.

Qəzetin məlumatına görə, məhkəmə zalına yalnız vəkillər buraxılıb. İclas zamanı məhkəmə binası qarşısında əlavə polis qüvvələri növbətçilik edib.

Qeyd edək ki, İmran Xan 2018-2022-ci illərdə Pakistanın Baş naziri olub. 2022-ci ilin aprelində ona etimadsızlıq göstərilib və oktyabr ayında seçkidən kənarlaşdırılıb. Ardınca da beş il müddətinə dövlət vəzifəsində işləmək hüququndan məhrum edilib.

9 may 2023-cü ildə İmran Xan polis tərəfindən saxlanılıb. O və həyat yoldaşı Büşra Bibi korrupsiyada və Əl-Qadir Universitetinin yaradılmasında büdcədən 50 milyard Pakistan rupisi (təxminən 175 milyon dollar) mənimsəmək üçün ailə fondu olan "Əl-Qadeer Trust"dan istifadə etməkdə ittiham olunurdular. Mayın 10-da məhkəmənin onu həbs etməsi ölkədə kütləvi etirazlara səbəb olub. Mayın 11-də həbsi qanunsuz elan edilib və keçmiş baş nazir zaminə buraxılıb.

Poliqon.info