Danimarkanın Qahirədəki səfiri Misir Xarici İşlər Nazirliyinə (XİN) çağırılıb.
“Report” xarici KİV-ə istinadən xəbər verir ki, bu barədə Misir XİN məlumat yayıb.
Bildirilib ki, Danimarka səfirinin XİN-ə çağırılmasına səbəb bu ölkədə bir müddət əvvəl Qurani-Kərimin yandırılmasıdır.
“Misirin Kopenhagendəki səfirliyi daxil olmaqla, diplomatik missiyaların binalarının yaxınlığında müsəlmanların müqəddəs kitabı olan Quranın yandırılması aktlarını qəbul etmirik. Danimarka hakimiyyətini onların qarşısını almaq üçün konkret tədbirlər görməyə çağırırıq”, - Misir XİN-in bəyanatında qeyd edilib.
Qeyd edək ki, iyulun 25-də Misirin Danimarkadakı səfirliyi qarşısında Quran yandırılıb. Aksiyanı “Danimarka Vətənpərvərləri” radikal sağçı qruplaşmasının üzvləri törədib.
Xatırladaq ki, qrup üzvləri iyulun 21-də də İraqın Kopenhagendəki səfirliyi yaxınlığında analoji hal törədərək, aksiyanı canlı yayımlamışdılar. Daha əvvəl, iyulun 20-də isə Stokholmdakı İraq səfirliyi qarşısında Quran nümayişkənarə şəkildə yandırılıb.
Poliqon.info
Digərxəbərlər
Populyar xəbərlər
