Rusiya Kommunist Partiyasından Dövlət Dumasının deputatı Dmitri Novikov II Dünya müharibəsinin başlanğıcını 1937-ci ildən, yəni Yaponiyanın Çinə hücumundan hesablamağı təklif edib...
Poliqon bu barədə "RİA Novosti"yə istinadən xəbər verir.
Novikovun sözlərinə görə, o, Rusiya tarixi üzrə yeni dərslik üzərində işin tərkib hissəsi kimi bu məsələnin tarixçilərlə müzakirəsini zəruri hesab edir.
İndi II Dünya müharibəsinin başlanğıcı 1939-cu il sentyabrın 1-dən, Almaniya silahlı qüvvələrinin Polşa sərhədlərini keçdiyi vaxtdan sayılır. Çin-Yapon müharibəsinin 1941-ci il dekabrın 7-də Yaponiyanın Pearl Harbordakı Amerika dəniz bazasına hücumundan sonra II Dünya müharibəsinin bir hissəsi olduğu güman edilir.
Daha əvvəl Rusiyanın Tokiodakı səfirliyinin müvəqqəti işlər vəkili Gennadi Oveçko bildirmişdi ki, Yaponiya II Dünya müharibəsinin nəticələri ilə bağlı mübahisə edir. Bu bəyanat sovet kəşfiyyatçısı Riçard Sorgenin məzarı önünə gül qoyulması mərasimində səsləndirilib.
Poliqon.info