Rusiyanın Şimali Koreyadan 152 mm-lik artilleriya mərmilərinə ehtiyacı var...
Poliqon xəbər verir ki, bu barədə Bloomberg Agentliyinin məlumatında bildirilir. Agentlik qeyd edir kİ, bu mərmilər sovet dövründən qalma silahlara uyğundur.
Tədqiqatçıların fikrincə, Rusiya hər gün minlərlə sursat xərcləyir, buna görə də yeni tədarük mənbələri axtarmağa məcburdur.
Bloomberg bildirir ki, Şimali Koreyanın böyük sursat ehtiyatı var. Pxenyan ehtiyatlarının bir hissəsini yüksək qiymətə satmaq fürsətindən istifadə edəcək.
Qeyd edək ki, Rusiya Müdafiə naziri Sergey Şoyqu dünən Şimali Koreyaya səfərə gedib. Şoyqunun Pxenyanda hərbi əməkdaşlıqla bağlı müzakirələr aparacağı gözlənilir.
Bloomberg qeyd edir ki, Şimali Koreyanın mərmilərə nə qədər alacağı liderlərin danışıqlar aparmaq bacarığından asılı olacaq. Məsələn, Şimali Koreya mərmilərin hər birini 1000 dollara satarsa, Rusiyaya 250.000 mərmi göndərdiyi halda Pxenyanın qazancı ÜDM-nin təxminən 1%-nə bərabər olacaq.
Bloomberg bildirir ki, bu qiymət köhnə təxmindir, çünki yüksək tələb qiymətləri artırıb və NATO-nun 155 mm-lik mərmilərinin hər biri təxminən 3000 dollara başa gəlir.
Poliqon.info
Digərxəbərlər
Populyar xəbərlər
