Hüquq müdafiəçisi Çinin Rusiyaya hərbi yardım edə biləcəyi ilə bağlı son xəbərlərə də münasibət bildirib...
“Son günlər Rusiya prezidenti Vladimir Putin özünü kifayət qədər aqressiv aparır, vəziyyətinin yaxşılaşdığına özünü inandırıb”.
Poliqon xəbər verir ki, bu fikri rusiyalı müxalifətçi və hüquq müdafiəçisi Mark Feyqin “FREEDOM” telekanalının efirində deyib.
Feyqin xatırladıb ki, Putin daim Ukraynanın əks-hücumunun “uğursuzluğundan” danışır, həmçinin Polşaya qarşı aqressiv çıxış edir:
“Onlar özlərini inandırdılar ki, vəziyyət o qədər də pis deyil, daha da gərginləşmə şansı ona danışıqlara getmək imkanı verir”.
Müxalifətçi hesab edir ki, Putin Qərb ölkələrini onun rejiminə qarşı sanksiya siyasətini yumşaltmağa məcbur etmək üçün aqressiyadan istifadə etməyə çalışır.
Hüquq müdafiəçisi Çinin Rusiyaya hərbi yardım edə biləcəyi ilə bağlı son xəbərlərə də münasibət bildirib. Onun sözlərinə görə, Pekin Rusiyaya ən çox ehtiyacı olanı təmin etmir:
“Əgər Çin belə yardım göstərirsə də, bu, həlledici deyil”.
Poliqon.info