Misirdəki terminallar mayeləşdirilmiş təbii qazın (LNG) yüklənməsini demək olar ki, tamamilə dayandırıb, çünki ölkənin özündə istilik səbəbindən yanacaq yoxdur...
Poliqon xəbər verir ki, bu barədə "Bloomberg" məlumat yayıb.
Yayda Misirin iki LNG terminalı Idku və Damietta maye qazın daşınmasını dayandırıb. İyun ayında ümumiyyətlə tədarük olmayıb. İyulda yalnız bir LNG tankeri Misiri tərk edib.
Bölgədə kifayət qədər isti hava şəraitinin hökm sürdüyü nəzərə alınaraq, yanacaqdan ilk növbədə məişət istehlakı üçün istifadə olunur. Ölkənin neft naziri Tareq əl-Mullanın sözlərinə görə, Avropaya LNG tədarükü oktyabr ayına qədər bərpa olunacaq, çünki hazırda ixrac üçün ümumiyyətlə yanacaq qalmayıb.
Agentliyin məlumatına görə, Misirdə ümumi gücü ildə 12 milyon ton (16,5 milyard kubmetr) olan iki LNG terminalı var. Onlardan həm Misir, həm də İsrail qazı keçir. Eyni zamanda, Aralıq dənizindəki nəhəng Zöhr qaz yatağında suyun sızması ilə bağlı problemlərin olması səbəbindən qorxular var. Ona görə də yanacağın tədarükü dayana bilər.
Poliqon.info
Digərxəbərlər
Populyar xəbərlər
