Yevgeni Priqojinin təsis etdiyi Özəl Hərbi Şirkət muzdluların qəbulunu müvəqqəti dayandırır...
Poliqon xəbər verir ki, “Vaqner” ÖHŞ-nin mətbuat xidməti Rusiya regionlarında muzdluların qəbul mərkəzlərinin işinin bir ay müddətinə dayandırıldığını bildirib. Bu barədə RBC yazır. Nəşr özəl hərbi şirkətlə əlaqəli Telegram kanallarına istinad edir.
Məlumatda bildirilir ki, “Vaqner”in Ukraynada xüsusi hərbi əməliyyatda müvəqqəti iştirak etməməsi və Belarusa köçməsi səbəbindən şirkət muzdluların cəlb edilməsi üzrə regional mərkəzlərin işini bir ay müddətinə dayandırır.
Xatırladaq ki, “Vaqner” ÖHŞ-nin təsisçisi Yevgeni Priqojin iyunun 24-nə keçən gecə Rusiyada hərbi çevrilişə cəhd edib.
Poliqon.info