Polşada keçirilən III Avropa Oyunlarının taekvondo yarışlarında son günün püşkü atılıb.
“Report” xəbər verir ki, iyunun 26-da dayanq üzərinə çıxacaq Azərbaycan millisinin idmançısı Taleh Süleymanovun (87 kq) ilk rəqibləri bəlli olub.
O, 1/8 finalda yunanıstanlı Aleksander Baçmanla üz-üzə gələcək. Taekvondoçu mərhələ adlayacağı təqdirdə, İspaniya təmsilçisi Raul Qarsiyaya rəqib olacaq.
Qeyd edək ki, III Avropa Oyunlarında Azərbaycan taekvondo yığmasının aktivində hələlik 2 medal var. Səyyad Dadaşov (54 kq) gümüş, Qaşım Maqomedov (58 kq) bürünc mükafat qazanıb.
Poliqon.info
Digərxəbərlər
Populyar xəbərlər
