Ölkə ərazisində qeyri-sabit hava şəraiti davam edir...
İyunun 22-si saat 19:00-a olan məlumata əsasən, Şahbuz, Gədəbəy, Ceyrançöl, Tovuz, Ağstafa, Balakən, Oğuz, Qax, Zaqatala, Şəki, Şamaxı, Qrız, Şahdağda şimşək çaxıb, arabir leysan xarakterli yağış yağıb, ayrı ayrı yerlərdə yağıntılar intensiv və güclü olub.
Bu barədə Poliqona Milli Hidrometeorologiya Xidmətindən məlumat verilib.
Bildirilib ki, iyunun 22-də yağan leysan yağışlar nəticəsində Daşkəsən rayonu ərazisindən axan Dəstəfurçay və Gəncəçaydan, Tovuz rayonu ərazisindən axan Zəyəmçaydan, Goranboy rayonu ərazisindən axan Gorançaydan və Zaqatala rayonu ərazisindən axan Talaçaydan sel keçib və hazırda davam edir.
Qeyd edək ki, ölkə ərazisində qeyri-sabit hava şəraiti davam edir.
Poliqon.info