Ötən gün Türkiyə Kubokunu qazanan "Fənərbağça" baş məşqçisi Jorge Jesusla yollarını ayırır...
Poliqon yerli mediaya istinadən xəbər verir ki, portuqaliyalı mütəxəssis "Başakşəhər"lə oyundan sonra komandanı tərk edəcəyini bildirib.
"Burada işləmək istəmirəm və ya xoşuma gəlmir kimi vəziyyət yoxdur. Əksinə, qeyd etdiyim kimi burada olmaqdan çox zövq aldım. Türk xalqı çox sevgi dolu insanlardır. Amma mən belə qərar verdim. İndi Portuqaliyaya gedirəm. Hələ gələcəyimlə bağlı qərar verməmişəm, gözləmək istəyirəm. Mən bunu prezidentimizə bir neçə həftə əvvəl dedim. Ona məlumat verdim ki, yeni axtarışa başlasın", deyə mütəxəssis qeyd edib.
Türkiyə mediasının məlumatına görə, hazırda "Fənərbağça"nın baş məşqçi postuna iki namizəd var. Bunlardan biri Abdulla Avcı, digəri Mirça Luçeskudur. Klub rəhbərliyi bu həftə onlarla görüşərək qərar verəcək.
Qeyd edək ki, Abdulla Avcı son olaraq "Trabzonspor"u çalışıdırıb (2020-2023). Mirça Luçesku isə Kiyev "Dinamo"suna başçılıq edir. Rumın məşqçi əvvəllər "Qalatasaray" və "Beşiktaş"a, həmçinin Türkiyə millisinə başçılıq edib.
Poliqon.info