Bazar ertəsi brifinqdə jurnalistlərin suallarını cavablandıran ABŞ Dövlət Departamentinin sözçüsü Vedant Patel Gürcüstanın hakim partiyası və onun rəhbərliyinin ölkə vətəndaşlarının hüquqlarını və demokratik azadlıqlarını məhdudlaşdıran “xarici təsir qanunu” qəbul etmək istəklərini pisləyib...
Poliqon xəbər verir ki, bu barədə “Amerikanın səsi” radiostansoyası məlumat yayıb.
“Gördüyümüz hərəkətlər gürcü xalqının özünüifadəsi və istəkləri ilə bir araya sığmır”, deyə Patel açıqlanmasında vurğulayıb.
Dövlət Departamentinin sözçüsü qeyd edib ki, Gürcüstan əhalisinin 80 faizindən çoxu Aİ-yə üzv olmaq istəyir.
“Biz bu istəyi dəstəkləyirik və Gürcüstan hökumətini Avropa İttifaqı ilə inteqrasiya yolunda davam etməyə təşviq edirik. Gürcüstan hökuməti Aİ-yə daxil olmaq və NATO kimi transatlantik alyanslarla əlaqələr qurmaq istədiyini bəyan etmiş, lakin elə qanunvericilik fəaliyyətləri bu hökumətin həyata keçirdiyi hədəflərə uyğun gəlmir”, deyə Patel brinfiqdə bildirib.
Patel həmçinin ABŞ administrasiyasının atacağı addımları açıqlamaqdan imtina edərək, “bu hərəkətlərin nəticələrinin olacağını”, əlavə edib.
Poliqon.info