Ağ Ev İsrailin HƏMAS üzərində tam qələbəsinə inanmır

Ağ Ev Fələstinin HƏMAS radikal hərəkatı üzərində İsrailin tam qələbəsi ehtimalına inanmır.

Poliqon Politico qəzetinə istinadən xəbər verir ki, belə bir bəyanatla dövlət katibinin birinci müavini Kurt Kempbell çıxış edib.

“Bəzən biz İsrail liderlərini diqqətlə dinləyəndə onlar əsasən döyüş meydanında hansısa qəti qələbə, tam qələbə ideyasından danışırlar. Biz bunun mümkün olacağına inanmırıq”, deyə Kempbell Mayamidə NATO Gənclər Sammitində çıxışı zamanı deyib.

ABŞ rəsmisinin sözlərinə görə, bir çox ölkələr “fələstinlilərin hüquqlarına hörmət edilən siyasi həll” görmək istəyir, lakin indi bu, “həmişəkindən daha çətindir”.

Qeyd edək ki, aprelin 30-da İsrailin baş naziri Benyamin Netanyahu bildirib ki, o, istənilən halda Rəfah şəhərində əməliyyat keçirəcək, çünki bu qəsəbəyə nəzarət olmasa, HƏMAS-a qarşı başlayan hərbi əməliyyatlar öz məqsədinə çatmayacaq.

“Mütləq qələbəyə nail olmaq üçün Rafaha girəcəyik və oradakı Həmas batalyonlarını, razılaşmalı və ya razılaşmadan məhv edəcəyik”, deyə İsrailin baş naziri vurğulayıb.

Poliqon.info