Argentina millisinin kapitanı Lionel Messi Şimali Amerika Böyük Futbol Liqasının (MLS) “İnter Mayami” klubu ilə müqavilə imzalayacaq...
Poliqon xəbər verir ki, bu barədə “Radio Continental” məlumat yayıb. Mənbənin sözlərinə görə, Messi heç kimlə danışıqlar aparmaq niyyətində deyil. Qeyd edilir ki, Messi artıq heç kimlə danışıqlara getməyəcək və Amerika klubunun futbolçusu olacaq.
Daha əvvəl mətbuatda “İnter Mayami”nin Messiyə 200 milyon dollarlıq müqavilə təklif etdiyi barədə məlumat yayılıb. Eyni zamanda, MLS klubları hücumçu karyerasını bu turnirdə davam etdirəcəyi təqdirdə maaşın bir hissəsini birgə ödəməyə hazırdır.
Qeyd edək ki, daha əvvəl “Paris Sen-Jermen” klubu Messinin müqavilə müddəti başa çatması səbəbindən mövsümün sonunda ayrılacağını açıqlamışdı. Messi 2021-ci ilin yayında PSJ-yə qatılıb. O, Paris klubuna “Barselona”dan pulsuz transferlə keçib. PSJ-nin tərkibində Messi ikiqat Fransa çempionu olub və ölkə Superkubokunu qazanıb.
Poliqon.info