Rusiya neftinin Çinə idxalı 4 ayda 26,5% artıb

2023-cü ilin ilk dörd ayında Çinə neft tədarükü 26,5 faiz artıb.

Poliqon xarici mətbiata əsasən xəbər verir ki, bu barədə Çinin Baş Gömrük İdarəsi məlumat yayıb. Bu müddət ərzində Rusiyadan Çinə ümumilikdə 32,4 milyon ton neft idxal edilib. Rusiya Çinə yanacaq ixracına görə liderliyini davam etdirir.

İxracın artmasına baxmayaraq tədarüklərin rentabelliyi azalıb. Ötən ilin eyni dövrü ilə müqayisədə Rusiya Şərq tərəfdaşlarından 1,5%, az vəsait əldə edib. Rusiya Şərq istiqamətində cəmi 17,44 milyard dollar həcmində neft satışı həyata keçirib.

Səudiyyə Ərəbistanı Çinə neft tədarükünə görə ikinci yerdədir. Bu ölkə Pekindən enerji üçün 19,12 milyard dollar alıb. Qeyd olunur ki, il ərzində xərclər təxminən 9 faiz azalıb.

Çin həmçinin İraq, Malayziya, Oman və Birləşmiş Ərəb Əmirliklərindən neft alır. ABŞ tədarükçülər siyahısında yalnız 11-ci yerdədir. Qeyd edək ki, çinlilər İrandan yanacaq almırlar.

Poliqon.info