Si Cinpin: Çin Mərkəzi Asiya ölkələrinə müdafiəsini gücləndirməyə hazırdır...

Çin Mərkəzi Asiya ölkələrinə müdafiə imkanlarını gücləndirməyə kömək etməyə hazırdır.

Poliqon xəbər verir ki, bunu Çin prezidenti Si Cinpin cümə günü Sianda Çin-Mərkəzi Asiya ölkələri sammitində bildirib. Bu barədə “RİA Novosti” Agentliyi məlumat yayıb.

“Çin Mərkəzi Asiya ölkələrinə təhlükəsizlik və müdafiə sahəsində hüquq-mühafizə orqanlarının potensialını gücləndirməyə kömək etməyə, həmçinin regional təhlükəsizliyin qorunması və terrorizmlə mübarizə səylərini dəstəkləməyə hazırdır”, deyə Si Cinpin sammitdə deyib.

Çin lideri həmçinin qeyd edib ki, onun ölkəsi Əfqanıstanın qonşularının koordinasiya mexanizmində rol oynamağa davam edəcək və bu ölkənin sülh yolu ilə yenidən qurulmasına kömək edəcək.

Qey edək ki, mayın 18-19-da Çinin Sian şəhərində Çinin dövlət başçısı Si Tsinpinin sədrliyi ilə Çin-Mərkəzi Asiya sammiti keçirilir. Tədbirdə Qazaxıstan prezidentləri Kasım-Jomart Tokayev, Qırğızıstan prezidenti Sadır Japarov, Tacikistan Emoməli Rəhmon, Özbəkistan Şavkat Mirziyoyev və Türkmənistan prezidenti Serdar Berdiməhəmmədov da iştirak edirlər.

Poliqon.info