Separatçılar hesab edirlər ki, Rusiya ordusu olmasa, onlar böyük təhlükə qarşısındadırlar...
Tanınmamış Dnestryanı bölgənin səlahiyyətliləri Moskvadan daha çox rus “sülhməramlıları” göndərməsini xahiş edi. Onlar bunu guya təhlükəsizlik risklərinin artması ilə izah ediblər.
Poliqon xəbər verir ki, bunu “RİA Novosti” Agentliyinə müsahibəsində tanınmamış “Dnestryanı Respublika”nln Rusiyadakı “nümayəndəliyinin rəhbəri” Leonid Manakov deyib.
Onun sözlərinə görə, indi Dnestryanıda cəmi 450-yə yaxın “sülhməramlı” var. Separatçılar onların sayını artırmaq istəyirlər.
“Sənədlərdə müəyyən edilmiş ştat cədvəlinə görə sülhməramlılar 3100 nəfər olmalıdır. Gerçəkdə isə onların sayı 450-yə qədərdir və hazırda çox böyük risklər mövcuddur. Təhlükəsizlik risklərinin, o cümlədən terror təhlükəsinin artması nöqteyi-nəzərindən sülhməramlıların sayı artırılmalıdır”, deyə Manakov bildirib.
Poliqon.info