Pekin Blinkenin Çinə səfər etməsini istəmir...

Çin ABŞ-ın yüksək səviyyəli diplomatik təmasları bərpa etmək təklifini rədd edib. Poliqon xəbər verir ki, bu barədə Politico nəşri məlumat yayıb.

Qəzet yazır ki, Pekin ABŞ dövlət katibi Entoni Blinkenin fevralın əvvəlində Çinin casus şarı hadisəsindən sonra təxirə salınan Çin səfəri üçün yeni tarix təyin etmək təşəbbüslərini rədd edir. Bundan başqa, Çin tərəfi digər ABŞ diplomatlarının səfərini Pekinə səfərini əngəlləyir.

Politico qeyd edir ki, Pekin həmçinin ABŞ prezidenti Co Bayden və Çin lideri Si Tsinpin arasında telefon danışığından imtina edir. Ehtimal olunur ki, ÇXR-in belə mövqeyi bu ölkənin Vaşinqtonun Tayvana silah satmasından narazılığı və adanın müstəqilliyi tərəfdarlarını həvəsləndirən rəsmi əlaqələri ilə izah olunur.

Poliqon.info