Pakistan polisi İmran Xanı həbs etməyə cəhd edib…

Poliqon.info xəbər verir ki, bu barədə Pkistanın telekanalları məlumat yayıb. Geo Tv-nin İslamabadın hüquq-mühafizə orqanlarının mətbuat xidmətinə istinadən yaydığı məlumata görə, Pakistanın keçmiş baş naziri və müxalifətdəki Ədalət Uğrunda Hərəkat Partiyasının sədri İmran Xanı saxlamağa hazırlaşan polis siyasətçini Lahor şəhərindəki (Pəncab əyaləti) iqamətgahında tapmayıb.

Mətbuat xidmətinin məlumatında bildirilir ki, polisPakistanın sabiq liderini “Zaman” parkındakı iqamətgahında tapa bilməyib. Xan öz kabinetində olmayıb. İqamətgahda hüquq-mühafizə orqanlarının Ədalət Uğrunda Hərəkat Partiyasının yüksək rütbəli funksioneri Seyid Şibli Fəraz qarşılayıb. O. Xanın binada olmadığını poliqslərə bildirib.

Pakistan mətbuatı yazıb ki, polis əməkdaşları Xanın iqamətgahına onu həbs etmək məqsədi ilə gəliblər. Təhlükəsizlik qüvvələri siyasətçinin Lahor şəhərindəki iqamətgahına, daim məhkəmə iclaslarında iştirak etmədiyinə görə onu nəzarətə götürmək üçün gəliblər.

Qeyd edək ki, 2022-ci ilin sentyabrında İslamabadın Ali Məhkəməsi Xanı məhkəməyə hörmətsizlikdə ittiham edib və onun zorla məhkəməyə gətirilməsi ilə bağlı qərar çıxarıb.

Bundan əlavə Pakistan polisi Xana qarşı terrorla mübarizə qanununu pozduğuna görə ittiham irəli sürüb. Qeyd olunub ki, ittihamlara səbəb siyasətçinin avqustun 20-də İslamabadda keçirdiyi mitinq zamanı polis baş müfəttişini və qadın hakimi məhkəməyə vermək vədləri olub.

Poliqon.info