Təyyarə ABŞ Silahlı Qüvvələrinin Avropa Komandanlığının cavabdeh olduğu ərazidə əməliyyat keçirir…
Poliqon.info xarici mətbuata əsasən xəbər verir ki, ABŞ-ın “Qiyamət günü” təyyarəsi olaraq bilinən “E-6B Mercury” təyyarəsi fevralın 28-də Avropaya eniş edib. Təyyarə ABŞ Strateji Komandanlığının “hava komandanlığı” statusuna malikdir. Buna görə də ona “qiyamət təyyarəsi” də deyirlər.
“ABŞ Hərbi Dəniz Qüvvələrinə məxsus “E-6B Mercury” təyyarəsi ABŞ-ın Avropa Komandanlığının məsuliyyət zonasında fəaliyyət göstərən İslandiyaya çatıb”, deyə ABŞ Qüvvələr Avropa Komandanlığı Twitter-də bildirib.
Qeyd edək ki, “E-6B Mercury” Amerika hərbi strateji komandanlıq və nəzarət təyyarəsidir.
Bu bört qitələrarası ballistik raketlərin daşıyıcısı olan strateji nüvə raket kreyserləri ilə əlaqə saxlamaq üçün nəzərdə tutulub. Söhbət hər biri nüvə başlıqlı 24-ə qədər “Trident II D5” raketi daşıya bilən Ohayo sinifli sualtı qayıqlardan gedir.
“E-6B Mercury” özü Boeing 707-320 sərnişin təyyarəsinin modifikasiyasıdır. 842 km/saat kruiz sürəti ilə 981 km/saat sürətə çata bilir. Bunun üçün maksimal hündürlük 12,8 km-dir. Praktik uçuş məsafəsi 11.760 km-dir.
Poliqon.info
Digərxəbərlər
Populyar xəbərlər
