İranın Böyük Britaniyadakı yüksək rütbəli diplomatı XİN-ə çağırılıb

APA xəbər verir ki, bu barədə Böyük Britaniyanın xarici işlər naziri Ceyms Kleverli "Twitter" hesabında bildirib.

"Bu gün İranın ən yüksək rütbəli diplomatını çağıraraq bildirdim ki, biz Böyük Britaniyada jurnalistlərə qarşı təhdidlərə dözməyəcəyik.

İranlıların repressiyaya məruz qalmasında və öldürülməsində iştirak edən rejim üzvlərinə də sanksiya tətbiq etmişik.

İranın təhdidləri heç vaxt cavabsız qalmayacaq", -deyə Kleverli vurğulayıb.

Qeyd edək ki, son günlər Britaniyada çalışan İrandakı rejimi tənqid edən iran əsilli jurnalistlər təhdidlərə məruz qaldıqlarını bildirirlər.

poliqon.info